ჰერალდიკის სახელმწიფო საბჭომ დღეს სემინარი გამართა თემაზე -"სახელმწიფო მნიშვნელობის სიმბოლოების დადგენის წესი“. სემინარზე საჯარო დაწესებულებებს ზედმიწევნით განემარტათ თუ როგორ უნდა დადგინდეს შეიცვალოს ან შეთანხმდეს სახელმწიფო მნიშვნელობის სიმბოლო (ემბლემა, დროშა, განმასხვავებელი ნიშანი და სხვა) ასევე მისგამოსახვის აღმართვისა და გამოფენის წესი.
სემინარს დაესწრნენ საქართველოს პარლამენტის, საქართველოს პრეზიდენტის და მთავრობის ადმინისტრაციების, აჭარისა და აფხაზეთის ავტონომიური რესპუბლიკების, სამთავრობო დაწესებულებების, წარმომადგენლები, რომლებიც ხელმძღვანელობენ სახელმწიფო და სახელმწიფო მნიშვნელობის სიმბოლოების დადგენის და გამოყენების საკითხებს.
სემინარის შემდგომ გაიმართა , ჰერალდიკის სახელმწიფო საბჭოს ყოველწლიური ჟურნალის „ჰეროლდის“ მე-10 ნომრის პრეზენტაცია, სადაც შეჯამებულია საბჭოს საქმიანობის ძირითადი მიმართულებები (იხ. გალერეა).
